89346-Mathapelo Matsabisa

Ho ithuta puo ho o thusa haholo ntlheng ya ho utlwisisa ditaba tse etsahalang lefatsheng ka bophara kaha melaetsa e fetiswa ka puo, e ka ba ka mokgwa wa kerafo, tafole, mongolo o tlantsweng, setshwantsho kapa ka eng feela. Kahoo, saete ena ya Sesotho ha e tlo fana ka lesedi mabapi le mekgwa le meetlo ya Basotho jwalo kaha ba bangata ba nahana hore dipuo tsa selehae di reretswe seo feela, empa e tlo o thusa ho utlwisisa hore hobaneng ha Basotho ba kgetha ho sebedisa mantswe a itseng mekgahlelong e fapaneng ya tshebediso ya puo. E ka ba dingolweng, puong ya letsatsi ka leng kapa puong e hatisitsweng dikoranteng, dimakasineng, thelebisheneng, seyalemoyeng, inthaneteng le metjheng e meng ya dikgokahano. Re o tshwaretse letlotlo, ke ho wena ho ipha sebaka sa ho fata o utulle letsete lena