Biography of Dr. George Joubert

About Dr. George Joubert:

Dr. GF Joubert is 'n dosent in Menslike Beweging by die Fakulteit Opvoedkunde aan die Kaapse Skiereiland Universiteit van Tegnologie (CPUT). Hy het sy PhD voltooi oor die invloed van motoriese ontwikkelingsprogramme op leerders in landelike multigraadskole. Dr Joubert is 'n voormalige Suid-Afrikaanse atleet en ’n internasionaal erkende atletiekafrigter. Hy is aktief betrokke by akademiese en gemeenskapsprojekte, met ’n fokus op inklusiewe onderwys, bewegingsontwikkeling en pedagogiese innovasie.

Navorsing sluit saamwerkings in met universiteite in Botswanna, België, Italië en die VSA. Hy is ’n aktiewe lid van die South African University Physical Education Association en dien op verskeie fakulteitskomitees. Dr Joubert se onderrigfilosofie is gewortel in die ontwikkeling van die hele kind deur middel van kritiese denke, liggaamlike geletterdheid en kulturele bewustheid. Hy bevorder die waardes van Olympism soos uitnemendheid, respek en vriendskap in sy onderrig en navorsing om leerders se karakter en gemeenskapsbetrokkenheid te versterk.